ÍF og Bogi Reinert-Petersen hava undirskrivað ein 1-ára sáttmála.
Bogi er uppvaksin í ÍF, men valdi sum 15-ára gamal at fara til Vejle at royna at menna seg sum fótbóltsleikara. Hetta hevur sjálvandi ment Boga sum fótbóltsleikara, har hann m.a. hevur umboða føroysku U-landsliðini 18 ferðir í alt síðani 2008, og sum oftast sum liðskipari á liðnum.
Í seinnu hálvu í 2011, kom Bogi til Føroya at royna seg hjá HB, og her leikti hann 5 dystir í Effodeildini og 9 dystir í 1. deild, har hann skjeyt 5 mál. Síðani gekk leiðin niðuraftur til Danmarkar, har hann seinastu tíðina hevur umboða Hedensted í Danmarksseriuni, men í 2013 verður hann ÍF’ari aftur. Hetta gleðast vit sjálvsagt um í Fuglafirði.
Kelda: ÍF
