Kommunalt

Hesin bólkur er ætlaður at vísa alt kommunalt virksemi.

Vinna

Alt sum hevur vinnuligan áhuga er ætlað at hýsa í hesum bólki.

Ítróttur

Nógvu ítróttargreinarnar hava henda felagsbólk.

Mentan

Víða hugtakið mentan verður hýst í hesum yvirbólki,

Tónleikur

Alt innan tónleik.

Heim » Kommunalt, Tíðindi

Ferðsla

Lagt út av tann 09/09/2008 – 08:59

Vanliga verður sagt, at Fuglafjørður er ein endastatión á veganetinum, men verðuligu tølini siga nakað heilt annað.

Ferðslumátari hevur staði uppi heimi á Krossinum nú í eina tíð. Tað eru mátingarnar frá hesum vit brúka sum grundarlag undir hesum greinastubba.

Mong  mundu tey vera sum stúrsaðu við táið  Albert Isfeld í útvarpssendingum fleiri ferðir tók niðara veg í Fuglafirði sum dømi og segði, at har bert koyrdi hendinga bilar. Henda mynd mann helst verða frá barnaárunum, einaferð í 60 unum, táið hann vitjaði mostur sína í Fuglafirði, tí verðuleikin er ein heilt annar í dag.

í dag er sera nógv bilferðsla á niðaravegi, og ein stórur partur av hesum eru stórir og tungir bilar.

Vit hava tikið dagarnar 25/8 – 2/9  í ár sum dømi uppá ferðsluna á niðara vegi í Fuglafirði

Hesar 14 dagar koyrdu 9.903 bilar á vegastrekkinum á veg inní býin

Um  vit roknað við, at teir flestu eisini koyra aftur hinvegin so nærkast vit teimum 2.000 bilunum um dagin sum koyra á hesum vegastrekki. Røttu  orðini fyri vegastrekkinum má tí verða, at vegurin er ein nógv trafikkeraður vegur, og fuglfirðingar hava vant seg við hesa ferðslu á høvuðsvegnum. Eisini kann sigast, at nógv fólk er altíð at síggja til gongu, tí her er stuttur vegur til alt. Sagt í stuttum ein hugnaligur býur við nógvari ferðslu á niðara vegi.

Ferðslukanningarnar hesar 14 dagarnar vísa:

Á vegastrekkinum koyrdu 9.903 bilar í miðal 707 bilar um dagin, annan vegin.

Av hesum hildu 2.055 lógarásetta ferðsluhámarkið 30 km/t

1.660  bilar koyrdu 40 – 45 km/t

803   bilar koyrdu 45 – 50 km/t

423   bilar koyrdu   > 50 km/t

Miðalferðin fyri allar bilarnar var 36 km/t

Her eru nøkur tøl sum vísa nakað heit annað enn tað sum sagt  verður.

 

[09.09.2008 – Jóhan Heri Joensen]