Kommunalt

Hesin bólkur er ætlaður at vísa alt kommunalt virksemi.

Vinna

Alt sum hevur vinnuligan áhuga er ætlað at hýsa í hesum bólki.

Ítróttur

Nógvu ítróttargreinarnar hava henda felagsbólk.

Mentan

Víða hugtakið mentan verður hýst í hesum yvirbólki,

Tónleikur

Alt innan tónleik.

Heim » Arbeiði, Kommunalt, Tíðindi

Starv sum KT umsitari

Lagt út av tann 19/07/2012 – 14:50

Starv sum KT umsitari til Fuglafjarðar kommunu

 

Søkt verður eftir KT-umsitara til Fuglafjarðar kommunu til setan 01. september 2012 ella skjótast eftir hetta.

Førleikakrøv:

Vit meta tað sum ein fyrimun, um umsøkjarin:

  • Hevur útbúgving og/ella royndir innan kunningartøkni.
  • Hevur fyrisitingarligar royndir.
  • Hevur góðan skrivligan og munnligan førleika til serliga føroyskt, men eisini fremmant mál
  • Dugir væl at samskifta.
  • Er jalig/-ur, opin og fyrikomandi
  • Sær møguleikar fram um vansar.
  • Talan verður um nýtt starv, sum tú saman við fyrisiting kommununar verður við til at skapa frá byrjan.

Arbeiðsøki:

Tú kemur í tøttum samstarvi við fyrisiting kommununar at hava dagligu ábyrgdina av:

 

  • At umsita og halda verandi telduútbúnað og net viðlíka.
  • At taka sær av øllum telduinnkeypi hjá øllum kommunalum stovnum.
  • At verða við til at útbyggja og nútímansgera verandi netskipan, og at samskipa stovnar kommununar til felags net og skipanir.
  • At hava dagligt samskifti við veitarar av tele- og telduútbúnaði.

Tilvísing:

KT-umsitarin hevur tilvísing til kommunustjóran.

 

Løn:

Starvið verður lønt sambært sáttmála við avvarandi felag sum Starvsmannafelagið.

 

Starvsupplýsningar:

Nærri upplýsingar um starvið umframt undirliggjandi tilfar fáast við at venda sær til Jákup Frants Larsen á telefon 238002.

 

Umsókn:

Hevur starvið tín áhuga, send so skrivliga umsókn við viðkomandi prógvum og viðmælum til Fuglafjarðar kommunu, Ennivegur 38, 530 Fuglafjørður.

 

Umsóknarfreist:

Umsóknin skal vera kommununi í hendi í seinasta lagi 16. august 2012 kl 15.00.

Býráðið skilar sær rætt til at velja millum innkomnar umsóknir ella onga at taka.

Fuglafjørður, tann 20. juli  2012

Fuglafjarðar kommuna