Frits Johannesen

Fuglafjørður

lag:  Dansen på Sunnanø

 

1.  Hyg yvir vakran fjørð og fjøll, tað Fuglafjørður er,

har er so frítt eitt bygdalag – har er mín lítla verð.

Har renna løkir og Gjógvará og Breiðá – Skarðasá mjá.

:/: Húsini tøtt og kinnareyð, so vældæmd er mín eyð. :/:

 

2.  Tá várið kemur upp um fjøll og leggur seg við vøtn,

tá livnar strá við áarbøkk, og hjørtur gerast løtt,

og keldan Vígdá hon er so vát og rennur ovurkát.

:/: Tindrandi várljós dansar vals um Skarð´ og Innandals. :/:

 

3.  Tá sólin roðar bjørt um fjøll og gyllir hvønn ein fløtt,

tað fløvar hjartað mítt og ger, at lívið verður ljóst;

og sang` frá kvørkveggju ljóðar frítt í urtagarði blítt.

.:/:Gvaggandi dunnur pulka sær við Gjógvará so nær. :/:

 

4. Tá heystardagur setir skørð í sinni, sál og lund,

og gult er strá um Slætnatind, tað fer í vertarblund,

og fólna bløð fúka kring um tún, so lætt sum fugladún.

:/:Tagnaði fuglaljóð um bø, tá fuglur fór um høv.:/:

 

5. Tá kavi hylir Fuglafjørð, og hvít er hvør ein spjørr,

og streymur fer um flúr og sker – ger Andøvsíðan vørr,

og ljósið goymir seg undir Eið`, tað er á vetrarleið.

:/:Blábjørgum undir liggur fonn so hvít sum barnatonn.:/:

 

6. Tá stormur ýlir fjøllum á, og fjalladunið hvølt

seg hevjar upp um Borgina og Blábjørg – fjøll so brøtt,

og Lorvíksfjallið tað er so stint, tað stendur pinnastilt.

:/: Tyrlarnir báðir hálsfevnast – í storminum so fast. :/.

 

7. Tá Varmakeldustevnan er, hon býður tær á gátt,

tú far tær út til Kelduna og drekk tær magn og mátt,

tú legg teg niður við kelduflóð og drekk tær heilsubót.

:/: Kærleikans kelda vellir fram, tú elskhugs fljóðið fann. :/:

 

8. Tað fólk, sum býr og livir her, tað besta við sær ber.

Tey ungu seta sær eitt mál og búgva seg til strev;

tey seta kós millum skørr og nev, tað tógvið mangan er

:/: Fjálgasta stað á grønu jørð – hjá mær er Fuglafjørð. :/.