Kommunalt

Hesin bólkur er ætlaður at vísa alt kommunalt virksemi.

Vinna

Alt sum hevur vinnuligan áhuga er ætlað at hýsa í hesum bólki.

Ítróttur

Nógvu ítróttargreinarnar hava henda felagsbólk.

Mentan

Víða hugtakið mentan verður hýst í hesum yvirbólki,

Tónleikur

Alt innan tónleik.

Heim » Tøkni

Nýggj heimasíða

Lagt út av tann 02/04/2006 – 07:36

Nýggj heimasíða í broyttum sniðið.

Heimasíðan er frá byrjanini ætlað sum ein portalur fyri alt virksemi í Fuglafirði, hettar er tó treytað av, at síðan verður vitjað og at:
fólk, feløg og fyritøkur eru áhugaði at hjálpa til við tilfari o. ø. Higartil hevur alt arbeiðið verið gjørt ólønt, men í longdini dugir tað ikki einsamalt, tí er løntur tíðindamaður nú settur at hjálpa til.

Fortreytirnar fyri seriøsum tíðindum og greinum skuldu verið uppá pláss, nú Jón Brian Hvidtfeldt, ið starvast í Kringvarpinum, er settur sum løntur skrivari.

Hvørji økini verða, ið koma á portalin vil tíðin vísa, nýggj økir koma so hvørt tey eru klár – ella sagt við øðrum orðum, táið vit og
lesarin meta tørvur er fyri tí. Tað fyrsta undirøki verður “Mín meining” har borgarin sleppur at leggja inn greinar, undir fullum navni og ábyrgd. Onnur økir eru, ið bert limir hava atgongd, so um tú eisini vilt hava atgongd til hesi økir, er neyðugt at tú tilmeldar teg sum lim. Tað er ókeypis at gerast limur.

Heimasíðan hevur nú koyrt í knapt 2 ár, alt arbeiði hevur verið sjálvboðið, og peningurin til útreiðslur er komin úr egnum lumma. Síðan verður í dag nógv vitjað av heimafólki og útisetum. Nógvir borgarar hava eisini tikið av tilboðnum um ókeypis postadressu. Vónandi fer portalurin at mennast, so hann við tykkara hjálp kann blíva staðið har vit møtast og lesa um tað sum fyriferst í Fuglafirði og hjá grannum okkara.

Við hesum portali hevur Fuglafjørður møguleikan at fáa eitt tíðindablað í digitalum formi.

Vit hava sent skriv út til fyritøkur og onnur um at stuðlað hesi verkætlan. So hvørt vit fáa játtan um stuðul, verður tað at síggja á portalinum.

Higartil hava vit fingið játtað 1 høvuðsstuðul: Fuglafjarðar Keypsamtøka

Vit stuðlað lýsarunum – tí teir stuðla okkum.

[02.04.2006 – Jóhan Joensen]