Kommunalar rembingar
Seinastu dagarnar hava verið rembingar sum í framtíðini fara at broyta okkara kommunala økið til eitt norðureystur komunalt økið.
Leirvík, Gøta, Fuglafjørður og Klaksvík hava samarbeitt nógv áðrenn Norðoyartunlin kom. Enn er so stutt fráliðið síðani tunlin opnaði, men tað er einki at ivast í at samstarvið bert fer at økjast.Norður Eystur Føroyar er eitt náttúrligt samstarvsøkið.Vit hava við Norðoyartunlinum fingið fast í Norðoyggjar, ja líka so fast sum brúgvin um streymin knýtir Sunda kommunu, og betri samband enn Nólsoy og Hestur hevur við Havnina.
Við tí lógaruppskotið sum lagt verður fram í næstum skal ikki verða møguleiki fyri samstarvi og møguligari samanlegging millum Eystur Føroyar og Norðuroyggjar.
Her má tað verða føroysk trongskygni sum ger seg galdandi. Er tað verðuliga so galið, at vit í Fuglafirði ikki kunnu brúka teir møguleikar sum Klaksvíkar kommuna hevur at bjóða og umvent? Tað tekur 20 min. at koyra.
Samarbeiði út á Skálafjørðin hevur higartil bert verið einsrættað. Eitt samarbeiði í Norður Føroyum fer kanska at koyra á einum tvívegis farvegi.
