Verður nú av ongum við fótbóltshøllini.
Vandi er nú fyri, at ætlanin við fótbóltshøllini í Skálafirði verður av ongum – á hesum sinni.(tilvildarlig mynd)
Lagt til rættis og gjørt viðmerkingar: Kjartan Madsen
Norðlýsið skrivar soleiðis á heimasíðuni:
” Býráði í Klaksvík trekt seg úr Skálafjarðarhøllini
Á býráðsfundi týskvøldið samtykti býráði tilmæli frá samdari fíggjarnevnd um at trekja seg úr verkætlanini um at byggja innandura fótbóltshøll í Skálafirði.
Ætlanin var annars at Klaksvíkar Kommuna skuldi vera millum stórstu íleggjararnar í ætlaðu fótbóltshøllina, men nú hevur kommunan so endaliga avtgjørt at trekja seg.
Sum Norðlýsið skilir so vóru baði fíggjarnevndin og mentanarnevndin samd um at stóri íløgutørvurin hjá Kommmununi ger at komman ikki metir seg vera føran fyri at vera partur av hesi verkætlan.”
Nú hevur so Klaksvíkar kommuna gjørt tað, sum eisini nógvir borgarar her hava hugsað. Høllin verður alt ov kostnaðarmikil í mun til, hvat hvørt felag fær av tíð í høllini. Hevur t.d Fuglafjarðar kommuna ráð til projektið, tá ið hugsað verður um, at teir skulu gera áskoðaraskýli í bakkanum við fótbóltsvøllin, samstundis sum teir skulu seta pengar av til nýggjan vøll á Kambsdali?
Áhugavert hevði verið at fingið at vita, um støðan hjá Klaksvíkar kommunu fær Fuglafjarðar kommunu at broyta støðu. Eisini hevði verið ynskiligt at fingið at vita, hvussu nógv Fuglafjarðar kommuna skal gjalda og eftir hvørjum leisti, tímarnir í høllini verða tillutaðir – og hvussu nógvar
[01.11.2006 – Kjartan Madsen]
