Vanliga hugsað vit ikki um skipasmíð táið vit tosa um fyritøkuna KJ Hydraulik, men teir byrjaðu at byggja alibátar, teir sonevndu katamaranbátarnar, ella tvíkiljurnar í 1999. Teir hava higartil gjørt 24 bátar, t.v.s.umleið 3 bátar um árið. Onkur er seldur av landinum, men teir flestu eru í Føroyum
At so nógvir bátar eru seldir, er bert tekin um, at teir eru vælegnaðir til tað teir eru gjørdir til. Teir fyrstu bátarnir vóru gjørdir norðuri á Eiði, har KJ Hydraulik hevði ein bygning til endamálið. Seinnu árini er skrokkurin gjørdur í Letlandi, men alt monteringsarbeiðið verður gjørt av KJ Hydraulik. El installatiónirnar hevur Petur Frank Joensen gjørt. Báturin sum nú er við at verða liðugur er til Bakkafrost, men hann skal norður í Haraldsund, har hann skal arbeiða sunnanfyri byrgingina.Báturin hevur 2 motorar har hvør hevur 330 Hk og ein ljósmotor á 70 KW. Motorarnir stýra bátinum, um annar motorurin bakkar og hin siglur framm, so melur hann sum ein krarvi á sjónum Hann siglur við 10-11 míla ferð. Tovkraftin (pelatrekkið) er uml. 5 tons.
Kranin lyftir 23 tons (1 metur úti). Fjarstýring er til: spæl, krana og kop. Oljutangarnir taka 1.800 l, so langt kann verða millum bunkringarnar Eisini er báturin útgjørdur við sentralhita.Sagt verður at hann kann lasta 17 tons á dekkinum, men arbeiðsfólkið visti at siga, at ofta hava 20 tons verið í teimum sum eru í brúk.
Báturin verður latin eigarunum fyrst í komandi viku
Ein nýmótans tvíkilja – eitt hent arbeiðstól í alivinnuni.
Hettar bátaslag (katamaranar) hava oyggjabúgvar í Stillahavinum brúkt í øldir
Einki róður.
Motorarnir arbeiða sum róður.
Kranin kann lyfta 23 tons, og er fjarstýrdur.
Okkurt smávegis er enn eftir at gera.
Bláa trolspælið er gott til okkurt tungt takið.
Eitt vælaverk,og eitt sera gott útgjørt arbeiðstól.
Ein lítil fríløta, eftir at myndamaðurin hevur forstýra eina løtu, men tøkk skulu tit hava fyri upplýsningarnar
[30.08.2008 – Jóhan Heri Joensen]
