Kommunalt

Hesin bólkur er ætlaður at vísa alt kommunalt virksemi.

Vinna

Alt sum hevur vinnuligan áhuga er ætlað at hýsa í hesum bólki.

Ítróttur

Nógvu ítróttargreinarnar hava henda felagsbólk.

Mentan

Víða hugtakið mentan verður hýst í hesum yvirbólki,

Tónleikur

Alt innan tónleik.

Heim » Fiskivinna

40 fólk fáa arbeiði í Fuglafirði

Lagt út av tann 06/07/2010 – 14:57

Laksavirkið í Fuglafirði, sum hevur verið stongt í rúma tíð, letur nú uppaftur, og út við 40 fólk fáa arbeiði á virkinum.

Í morgun eru maskinurnar royndarkoyrdar, og um nakrar dagar er væntandi, at veruliga framleiðslan kemur í gongd aftur.

Faroe  Seafood, sum áður hevur havt laksaframleiðslu á virkinum í Fuglafirði, hevur selt 2/3 av felagnum til ávikavist Viking Seafood á Strondum og Faroe Farming í Suðuroy.

Eigarviðurskiftini í Salm Pro, sum nýggja felagið eitur, eru nú tríbýtt, har nevndu trý feløg eiga hvør sín triðing. Tað  er Jákup Eli Thomsen, sum hevur verið virkisleiðari hjá Faroe Seafood í Vestmanna, ið nú tekur sær av at fáa gongd á komandi virksemi á laksavirkinum í Fuglafirði.

Hann sigur, at tað er gamla felagið, sum nú undir nýggjum navni og við broyttum eigaraskara, fer til verka í Fuglafirði.

Vit miðja eftir at virka eini 3.000 tons av laksi um árið til portiónir, og hetta skuldi givið regluligt arbeiði til út við 40 fólk.
Jákup  Eli Thomsen sigur, at meginparturin av laksinum, sum tey fara at virka í Fuglafirðri, fer at koma frá kryvjivirkinum Viking Seafood á Strondum.

 

[06.07.2010 – Jóhan Heri Joensen]