Fiskavirking

Fiskavirking í Fuglafirði hevur seinastu árini verið í eini sera turbulentari støðu. Hvar vit eru í dag er vist ein góður spurningur, tí tað vísir seg, at eingin verðuliga veit hvat ið liggur fyri framman.

Men hugaligt er at síggja umfatandi umvælingarnar sum gjørdar verða uppá bygningarnar á gamla fiskavirkinum. Tak og vindeygu verða útskift –  og nógvir eru fermetrarnir. Nýggj vindeygu og klædninur gera at bygningurin sær sera snotuligur út. Tak og klædningur á frystibygningunum skulu skiftast komandi ár.

Maskinparkin stendur órørd, og sýnist sum um at bíða verður til at arbeiði aftur kemur í gongd. Alt stendur klárt – her manglar bara rávøra og arbeiðsfólk. Nógv bendir á, at verðuligar ætlanir liggja aftanfyri hesi arbeiði, og vónandi fer virksemi aftur at koma í hesar bygningar, men enn er so eingin sum siga kann, um hald er í hesum.

Sjálvur velji eg ikki at trúgva tí leysapráti sum gongur um, at hetta bert eru avskrivingarfidusir. Nei –  eg velji at trúgva, at her  er talan um fólk/fyritøkur sum seta moral og ábyrgd hægri enn ómoral.

Saman við øllum hinum fuglfirðingunum  síggja vit við gleði  fram ímóti,  at virksemi aftur verður í hesum bygningum um stutta tíð.