Kommunalt

Hesin bólkur er ætlaður at vísa alt kommunalt virksemi.

Vinna

Alt sum hevur vinnuligan áhuga er ætlað at hýsa í hesum bólki.

Ítróttur

Nógvu ítróttargreinarnar hava henda felagsbólk.

Mentan

Víða hugtakið mentan verður hýst í hesum yvirbólki,

Tónleikur

Alt innan tónleik.

Heim » Featured, Mentan, Sangur, Tíðindi, Útvald

Sangbólkurin Bros verður við á Summar Festivalinum í august

Lagt út av tann 18/05/2013 – 08:00

jogvan og bardurTað var í 1986, at Bros kom við síni útgávu. Jógvan á Lakjuni, sum nú er løgtingsformaður, stóð á odda fyri bólkin, sum eisini hevði aðrar sangarar við. Bólkurin var sera nógv at hoyra gjøgnum áttatiárini, og fleiri av sangunum av útgávuni eru framvegis at hoyra av og á – og eru blivnir mest sum fólkaogn.

Sangir sum ”Nú er summartíðin gylta”, ”Børn spæla sær á sandi”, ”Sum smádrongur lítil” og ”Summi fólk” eru millum kendu og vøkru sangirnar á útgávuni.

Og nú er greitt, at Bros kann upplivast á palli í summar.- Fyrireikararnir av Summar Festivalinum hava spurt í fleiri ár eftir Bros, og nú hava vit játtað, sigur Jógvan á Lakjuni.

Jógvan gav fyri kortum út fløgu saman við soninum Bárði, og Bárður verður eisini við til framførsluna hjá Bros á Summar Festivalinum.

– Bárður dugir væl og tað liggur væl fyri hjá honum. Tað fellir honum ikki tungt at stápla slíkt á beinini, og eg eri jú ikki ungur longur, sigur Jógvan á Lakjuni.

– Vit royna at savna Bros. Vit royna í øllum førum at fáa so nógv sum gjørligt við av teimum, sum vóru við tá, og at fáa hetta so originalt, sum til ber, sigur Jógvan á Lakjuni.