Tað er marknaður, sum er í eksplosivum vøkstri í øllum Evropa, kundarnir eru pengasterkir, men vit hava ikki umstøður at bjóða teimum. – Tað eru pengar í kampingvinnuni, men tær basalu umstøðurnar til ferðafólkini eru ikki nóg góðar, sigur sølu- og marknaðarstjórin á Smyril Line.
Í Fuglafirði hava vit framúr góð økir til ferðafólk.
Úti á Kambsdali og við Mentanarhúsið kunnu vit bjóða ferðafólkið góðar umstøður (eisini saniterar). Her manglar bert ein vilji til at hesi økið kunnu koma í verðuliga nýtslu sum sømiligt støðupláss, men til tað krevst ein vilji til samarbeiði og
planlegging.
Eins og aðrastaðni úti í verðini, so eiga vit eisini at duga at geva ferðafólki eina uppliving og samstundis vinna pening frá teimum. Ein av upplivingunum er at búgva trygt, í vinarligum umhvørvi.
Tá eg her nevni vantandi planlegging, so er tað manglandi avtalur við Mentanarhúsið og Ítróttarhøllina um saniter viðurskifti.
Og so sjálvandi, tað mest umráðandi, góðar lýsingar, á røttum stað um okkara góðu viðurskiftir.
Eg skal ikki seta ábyrgd á nakran ávísan persón, men her haltar í ólukkumát.
Eingin yvi, ovast á ábyrgdarrókini situr Mentanarnevndin.
[16.05.2007 – Jóhan Heri Joensen]
