Kommunalt

Hesin bólkur er ætlaður at vísa alt kommunalt virksemi.

Vinna

Alt sum hevur vinnuligan áhuga er ætlað at hýsa í hesum bólki.

Ítróttur

Nógvu ítróttargreinarnar hava henda felagsbólk.

Mentan

Víða hugtakið mentan verður hýst í hesum yvirbólki,

Tónleikur

Alt innan tónleik.

Heim » Kommunalt, Vinna

Fyrsta oljan

Lagt út av tann 04/07/2008 – 19:57

Oljubryggjan er nýliga asfalterað. Tangarnir eru klárir at taka ímóti fyrstu oljuni. Tvær fyritøkur úr Danmark hava nú í umleið eitt ár sett anleggið upp. Ein norsk fyritøka skal gera tær seinastu tøkniligu innstaleringarnar.

Tað eru bert smávegis arbeiðir eftir at gera til annleggið er fult klárt at taka í nýtslu.

Fyrsta oljan er nú komin til nýggju tangarnar sum Faroe Bunkers hevur sett upp á Enninum. Tað  eru óivað fleiri sum ikki kennast við heitið Faroe Bunkers, men soleiðis eitur nýggja oljugoymslan í Fuglafirði. Tað eru fleiri eigarar, men ein av teimum størstu er fyritøkan sum vit best kenna undir heitinum Statoil.

Spildurnýggi oljubáturin Besiktas Halland er komin á Fuglafjørð við umleið 6.000 tonsum av olju. Talan er um 3 sløg
av olju. Tvey ymisk sløg av tungolju og vanlig diselolja. Tangarnir taka tó 3 ferðir hesa lastina, so goymslan er nakað sum munar táið fult er.

Hetta  er eisini fyrsti túrur hjá Besiktas Halland. Óivað fáa baði báturin og annleggið rættað uppá vanligu barnasjúkurnar sum vanliga fylgja við nýggjum skipanum.

Fylt  verður á goymsluna í dag, men tað verður væntandi fyrst klárt at veita úr aftur skipanini við endan av næstu viku. Enn er okkurt smávegis tekniskt at fáa uppá pláss.

Havsbrún,  sum er ein stórnýtari av tungolju hevur ein leidning beinleiðis inná virkið. Henda veiting verður tó ikki heilt liðug  fyrrenn vit eru komin inní august mánaða.

Á hesi myndini síggja vit Halland við nosligu oljubryggjuna og oljugoymsluna, sum eru 3 stórir tangar, í bakgrundini

Her  standa havnaumsjónarmaðurin Hans David Joensen og dagligi leiðarin av Faroe Bunkers Janus Rasmussen og tosa um eitthvørt við fyrstu oljulastini.

Nýggi oljubáturin er ein snotulig skúta, og ein virðilig byrjan við fyrstu oljulastini

Slangurnar eru lagdar úr oljubátinum og byrjað er at pumpa upp fyrstu oljuna.

Her  er oljugoymslan 2 bjálvaðir tangar á 7.000 tons hvør til hvør sítt slagið av tungolju, og ein tangi til vanliga diselolju, í honum rúmast 5.000 tons.

 

[04.07.2008 – Jóhan Heri Joensen]