Kommunalt

Hesin bólkur er ætlaður at vísa alt kommunalt virksemi.

Vinna

Alt sum hevur vinnuligan áhuga er ætlað at hýsa í hesum bólki.

Ítróttur

Nógvu ítróttargreinarnar hava henda felagsbólk.

Mentan

Víða hugtakið mentan verður hýst í hesum yvirbólki,

Tónleikur

Alt innan tónleik.

Heim » Skip, Tíðindi

Stórt skip á land í Fuglafirði

Lagt út av tann 23/08/2008 – 07:35

Stutt  fyri middag kom Kypriotiska skipið Forline 1 illa fyri á Fuglafirði. Skipið skuldi leggja at, men tað vildi so illa við, at tað rendi á kajuna, hol kom á bulb stevnið, og skipið rak inn móti grótkastinum.

Skipið  er 104 metrar langt. Tað vað ikki nógvur vindur táið skipið kom móti bryggjuni, men nú seinnapartin hevur hann vaksið vindin.

Tað er fjarðandi sjógvur, so tíðin fer at ganga undan.

Klokkan  er nú 16.00 og enn hevur ikki eydnast at fáa skipið av aftur. Ætlandi skal sleipibáturin Goliat royna at fáa skipið leyst aftur. Eisini eru ætlanir um at Næraberg, sum liggur á Fuglafirði skal hjálpa til.

Hol  er komið á bulbustevnið, táið skipið  rendi inn í bryggjuna, men annars verður ikki hildið, at tað hevur fingið nakran serligan skaða.

Óhugsandi  er ikki, at okkurt er komið upp á skipssíðuna, sum vendir inn ímóti grótkastinum, men higartil hevur eingin olja verið at sæð á sjónum.

Tit kunnu fylgja við hvussu leikur fer á myndatólunum her á síðuni


Her roynir Pilot at toga skipið út frá áðrenn tað er komið heilt inn ímóti.

Pilot megnaði tó ikki uppgávuna, tovkraftin var alt ov lítil

Skipið datt tí inn móti grótkastinum

Hol kom á stevnið eftir harða stoytin við kajuna.

Tað regnaði illa, men veðrið var annars nøkunlunda gott

Nógv hjálp kom skjótt á staðið.

Ov nær landi varð hann, – men pláss er tó ikki fyri honum inni í bátahylinum.

 

[23.08.2008 – Jóhan Heri Joensen]