Kommunalt

Hesin bólkur er ætlaður at vísa alt kommunalt virksemi.

Vinna

Alt sum hevur vinnuligan áhuga er ætlað at hýsa í hesum bólki.

Ítróttur

Nógvu ítróttargreinarnar hava henda felagsbólk.

Mentan

Víða hugtakið mentan verður hýst í hesum yvirbólki,

Tónleikur

Alt innan tónleik.

Heim » Tíðindi

Streymprísurin hækkar 25 oyru fyri kilowatt-tíman

Lagt út av tann 05/12/2011 – 16:03

SEV hevur havt nærum 100 milliónir krónur í halli seinastu tvey árini
Nógv bendir á, at streymprísurin fer hækka munandi á nýggjárinum.

Sosialurin sigur seg vita frá keldum í kommununum, sum eiga SEV, at ætlanin er at hækka el-prísin 25 oyru fyri kilowatt-tíman. Tað merkir, at prísurin fer upp um tvær krónur fyri kilowatt-tíman, tá meirvirðisgjaldið er íroknað. Hækkingin er meiri enn 18 prosent.

Hákun Djurhuus, stjóri í SEV, vil hvørki vátta ella avsanna tíðindini, men vísir á, at málið kemur til viðgerðar á aðalfundi í næstum.

Áðrenn SEV sleppur at hækka prísin, skal Elveitingareftirlitið geva loyvi til tess. Samskifti er í løtuni millum SEV og Elveitingareftirlitið um fíggjarætlanina hjá SEV.

Raksturin hjá SEV hevur havt stórt hall seinastu tvey árini. Í fjør var hallið 57 milliónir krónur, og í ár verður hallið meiri enn 40 milliónir krónur.

Hákun Djurhuus sigur við Sosialin, at  SEV hevur stór lán, og lánveitararnir krevja, at javnvág fæst í raksturin.