Kommunalt

Hesin bólkur er ætlaður at vísa alt kommunalt virksemi.

Vinna

Alt sum hevur vinnuligan áhuga er ætlað at hýsa í hesum bólki.

Ítróttur

Nógvu ítróttargreinarnar hava henda felagsbólk.

Mentan

Víða hugtakið mentan verður hýst í hesum yvirbólki,

Tónleikur

Alt innan tónleik.

Heim » Featured, Skúli og barnaansing, Tíðindi, Útvald

FHS sum fjarlestur á Kambsdali

Lagt út av tann 25/05/2013 – 09:44

handilsskulinLes, tá tú hevur tíð og hug og uttan mun til hvar tú ert stødd/staddur.

Á Føroya Handilsskúla á Kambsdali hevur tú møguleika at taka einstakar lærugreinir á FHS ella heilt FHS -prógv sum fjarlestur.

Undirvísingin fer fram umvegis internetið. Tú gongur í einum ”internetflokki”,og tú hittir tínarfloksfelagar og lærarar á netinum. Í hvørji lærugrein verða sonevnd “webinar” – hetta er online – undirvísing, har tú hittir læraran og hini lesandi í tykkara flokshøli á netinum. Lærarin undirvísir, Tú kanst seta spurningar munnligt umvegis netið, og tú kemur at luttaka í bólkaarbeiði umvegis netið. Eisini verða upptøkur av ávísum evnum løgd á netið, sum tú kanst kunna teg við, tá høvi er til tað. Uppgávur og annað verður latið inn umvegis postskipan.

Handilsskúlin á Kambsdali hevur síðan 2004 havt fjarlestur. Yvir 100 næmingar hava tikið stakgreinaprógv hesi árini . Í ár verður skipanin útbygd við online – fjarundirvísing.

Fjarlestur er vælegnaður, um tú: 

  •  ert handils – ella skrivstovulærlingur og skal taka ávísar lærugreinir í hesum sambandi
  • ynskir at førleikamenna teg innan ávíst øki
  • ynskir at fáa FHS – prógv, sum gevur møguleika fyri at koma í handils  – ella skrivstovulæru

ella at halda fram á miðnámsskúla og taka 2. og 3. árið á búskaparbreytini og fáa prógv sum handilsstudentur

 

Lærugreinir

Lærugreinirnar eru tær somu sum á FHS. Lesturin er skipaður í lestrarhálvur. Hesar FHS – lærugreinar kunnu takast sum fjarlestur skúlaárið 2013 – 14:

 

Heystið 2013                                                   Várið 2014

Sølubúskapur C                                                   Enskt C

Kunningartøkni C                                               Virkisbúskapur C

Upptøkutreytir:

Nøktandi 9./10. – floks prógv

 

Luttøkugjald

Luttøkugjaldið er kr. 1700 fyri Sølubúskap, Enskt og Virkisbúskap, og kr. 1200 fyri Kunningartøkni.

 

Próvtøka

Fjarlesturin er stakgreinalestur  og  próvtøka verður í  øllum lærugreinum. Próvtøkan fyri lærugreinir lisnar í heysthálvuni verður hildin í des./jan., og fyri  lærugreinir lisnar í várhálvuni

verður próvtøkan hildin í mai/juni.

 

Depositum á kr. 300 verður goldið fyri hvørja próvtøku. Upphæddin verður endurgoldin, um

próvtøkan verður gjøgnumførd.

 

Umsóknarfreist

Umsóknarfreistin er 1. juli. Hevur tú spurningar í sambandi við útbúgvingina, ert tú vælkomin at

seta teg í samband við Føroya Handilsskúla á Kambsdali á tlf. 610900 ella [email protected]

 

Umsóknarblað og nærri kunning er at finna á www.fhk.fo

 

Handilsskúlin hevur gjørt samstarvsavtalu við ALS, soleiðis, at fjarlestur verður eisini boðin út sum førleikamennandi tilboð til fólk, sum fáa arbeiðsloysisstuðul

 

Undirvísingin er treytað av nóg stórari undirtøku.

Byrjað verður umleið 1. september