Kommunalt

Hesin bólkur er ætlaður at vísa alt kommunalt virksemi.

Vinna

Alt sum hevur vinnuligan áhuga er ætlað at hýsa í hesum bólki.

Ítróttur

Nógvu ítróttargreinarnar hava henda felagsbólk.

Mentan

Víða hugtakið mentan verður hýst í hesum yvirbólki,

Tónleikur

Alt innan tónleik.

Heim » Fiskivinna

Starvsfólki hjá Fiskavirking í óvissu

Lagt út av tann 14/07/2008 – 20:31

 

 

 

Starvsfólkini á Fiskavirking í Fuglafirði vita ikki, um tey hava arbeiði, ella hvør teirra arbeiðsgevari verður framyvir.

Tá  ið tey 70 fólkini í Vágunum vóru uppsøgd, fingu starvsfólkini í Fuglafirði umvegis fjølmiðlarnar at vita, at  arbeiðsfólkini vóru seld saman við virkinum í Fuglafirði. Formlig kunning hevur ongin verið, og hóast t.d. Fuglafjarðar Arbeiðskvinnufelag hevur roynt at fingið greið boð frá leiðsluni í Fiskavirking, so hevur hetta ikki verið gjørligt.

Felagið  hevur ikki fingið fatur á Stjóranum, hóast tey hava roynt fleiri ferðir. Í seinastu viku lovaði Fiskavirking, at stjórin skuldi ringja aftur, tískil bíða tey enn í spenningi í Fuglafirði, at hann ringir aftur við nærri boðum.

Støðan,  sum arbeiðsfólkini í Fiskavirking í Fuglafirði eru í, er hin sama sum í desember 2007, tá ið øll starvsfólkini duttu úr fiskavirkisskipanini hjá ALS. Tá høvdu starvsfólkini verið longri enn 8 vikur uttan arbeiði.

Arbeitt  var aftur í Januar 2008, men hetta vardi ikki leingi og starvsfólkini fóru tískil aftur í fiskavirkisskipanina hjá ALS. Síðani hevur verið arbeitt í styttri tíðarskeiðum í vár.

Fólkini á fiskavirking í Fuglafirði eru í løtuni ikki uppsøgd, og tey hava heldur ikki sagt seg úr starvi sjálvi.

 

[14.07.2008 – Jóhan Heri Joensen]