210 parkeringspláss
Útbygging
Umleið 22 milliónir krónur eru játtaðar til eina útbygging av Miðnámsskúlunum á Kambsdali.
Har er trongligt at búleikast, og tí kom tað væl við at henda útbygging er játtað.
Næmingar og lærarar fegnast um hetta, og tað gera vit eisini í Býráðnum og í Fuglafirði sum heild.
Býráðið vil fegin geva eina hjálpandi hond, um tað stendur á við einum ella øðrum.
Parkeringspláss
Nógvir bilar koma til Kambsdalar hvønn dag, og sum tíðin gekk varð ov trongt.
Bilar fingu bót, og støðan gjørdist ótolandi.
Hóast fleiri áheitanir, lurtaði ongin eftir, fólk svóvu.
Loysnin
Dánjal Vang langaði nevan í borðið og rópti hart, tað hjálpti, risarnir vaknaðu.
Eftir stutta tíð vóru 50 parkeringspláss gjørd afturat teimum 160 parkerinsplássunum.
So nú hava Miðnámsskúlarnir og Ítróttarhøllin á Kambsdali 210 parkeringspláss.
Nú loypa parkeringspláss av og soleiðis skal tað vera.
At koma til Kambsdal at ganga í skúla og so fáa parkeringsbót, tað er fullkomuliga burturvið.
Næmingaheimið á Kambsdali
Handilsskúlin eigur eitt næmingaheim á Kambsdali, har 12 næmingar kunnu búgva
undir góðum korum og til eina sámuliga leigu.
Fuglafjarðar Kommuna stuðlar hesum heimi, og kemur tað teimum væl við.
Ein maður úr Havn kom norður og helt fyri, at um ikki nóg nógvir næmingar vóru, so skuldi næmingaheimið stongjast.
Eg svaraði honum, at um hann ikki tagdi, so kom eg suður at stongja teirra næmingaheim.
Tá varð friður.
Vit vóru sum eldur og vatn, men eg skal ikki avdúka, hvør var eldurin og hvør var vatnið.
Tá ið nýtt næmingaheim skal byggjast, vil Fuglafjarðar Býráð geva eina hjálpandi hond.
Set X við Dánjal Vang, sum hevur evnini, orkuna og førleikarnar at fremja tíni mál.
