Orgul og solosangur í Klaksvík og Fuglafirði

SvafaMikukvøldið 22. mai kl. 20:00 verður konsert í Kristianskirkjuni og fríggjakvøldið 24. mai kl. 20:00 í Fuglafjarðar kirkju. Tey, sum fara at hava hesar konsertir eru trý tónlistafólk. Kendi danski organisturin og komponisturin, Leif Martinussen, sum hevur verið organistur í Allahalganna kirkju á Amager í mong ár, Ole Reuss Smidt, organistur í Korsvej kirke á Amager og íslendska sangkvinnan, Svafa Thorhaldsdóttir.Leif Martinussen hevur organistprógv og kantorprógv frá kongaliga Danska Musikkonservatorium og er víðagitin komponistur. Hevur gjørt tónleik t. d. fyri orgul, kór og solosang. Fuglafjarðar sangkór hitti Leif Martinussen á páskum 2002, tá ið kórið hevði konsert á Allehelgens Kirke á Amager. Hann helt eina poetisk, hjartaliga og livandi talu fyri kórinum undan konsertini, sum seint verður gloymd. Hann var stak blíður.Tónleikur hansara er víðagitin bæði í Evropa og Amerika.

Ole Reuss Schmidt er útbúgvin organistur frá Esbjerg Musikkonservatorium og er leiðari av kamarkórinum Euphonia, sum hann hevur lagt lunnar undir. Hevur á konsertferðum vitjað fleiri lond í Evropa, somuleiðis í USA og á Cuba. Er virkin kamartónleikari og komponistur. Annars hevur hann frá 2010 verður fastur kórleiðari fyri Muskikórinum í keypmannahavn.

Svafa Thorhalldóttir er fødd í Reykjavík 1981 og fór at spæla cello sum 6 ára gomul. 2004 varð hon liðug við útbúgving sína sum tónleikalærari á Tónlistaháskúlanum í Reykjavík. Sama ár fekk hon diplom útbúgving í klassiskum sangi frá Sangskúlanum í Reykjavík. Hon hevur eisini tikið útbúgving við Det Kgl. Danske Musikkonservatorium í Keypmannahavn í horni sum høvuðsljóðføri. Síðani 2008 hevur hon lagt áherðslu á at menna røddina og hevur fingið ein heiðursprís í altjóða Moniuszoku Singing Competition í 2010.

Fleiri av orgulstykkjunum verða tónsetingar av Leif Martinussen, somuleiðis syngur Svava Thorhalldóttir løg av Händel, Faure og Liszt. Sjálvandi syngur hon eisini løg av Leif Martinussen, og ein føroysk yrking verður frumframførd hesi kvøld, sum Lerif hevur tónsett. Hon hevur fleiri ár sungið í kóri í Allehelgens kirke, undir leiðslu av Leif Martinussen og er væl inni í tónsetingunum av Leif, sum liva sítt sæla lív í kirkjuárinum á ymsan hátt. Okkurt av hesum løgum fer hon eisini at syngja.